Ministri i Ekonomisë Kreshnik Bekteshi paralajmëroi se për dhënien e kartelave për turizëm vendor, në gjysmën e parë të këtij viti do të ndahen 15 milion denarë për punonjësit me të ardhura të ulëta. Ai sqaroi se sivjet janë paraparë 3 milionë denarë më shumë se vitin e kaluar kur u ndanë 12 milionë denarë.
KRESHNIK BEKTESHI, MINISTËR I EKONOMISË
“Nga viti 2018 kemi filluar me realizimin e këtij programi në Ministrinë e Ekonomisë për të inkurajuar turizmin vendor, por edhe për të siguruar hapësirë për bashkëqytetarët tanë që kanë të ardhura të ulëta të përdorin pushimet dhe të vizitojnë destinacionet tona turistike. Vitin e kaluar kishim mbi 12 milion euro të alokuara për këtë program së bashku me kartelat që i akorduam për turizëm vendor, dhe këtë vit sipas buxhetit të Ministrisë dhe të realizuar më parë vendosëm të shkonim me 15 milion denarë për pjesën e parë të vitin”.
Deri në fund të vitit, ai theksoi, nëse të gjitha mjetet përdoren, ne do të gjejmë mundësi të tjera brenda Ministrisë së Ekonomisë, por edhe përmes ribalancit të mundshëm të buxhetit të shtetit për të plotësuar mjetet nëse ato realizohen 100 për qind. Bekteshi sqaroi se vitin e kaluar rreth 70 për qind e mjeteve të planifikuara për pushime të subvencionuara dhe për dhënien e kartelave për turizëm vendor u realizuan si masë për të mbështetur sektorin e turizmit si një nga më të prekurit nga pandemia.
