ASH: Ende askush s’mban përgjegjësi për 14 qytetarët që u dogjën të gjallë

E në këtë muaj të 4-rtë nga tragjedia në spitalin modular në Tetovës, përmes një shkrimi, ka reaguar edhe partia opozitare Aleanca për Shqiptarët. Shkruajnë se regjimi aktual që në ditët e para pas tragjedisë filloi fshehjen e së vërtetës, gjurmëve të krimit dhe u tall me familjarët e viktimave duke deponuar dhe pastaj refuzuar dorëheqjet. “Për të qenë ironia edhe më e madhe, ministri dhe zëvendës ministri  i shëndetësisë, nuk u shkarkuan kur u dogjën të gjallë 14 qytetarë të Tetovës, por kur duhej të bëhen pazaret politike për të mbijetuar regjimi. Kjo vetëm se konfirmon atë që ne kemi paralajmëruar në vazhdimësi, se pushteti i regjimit hibrid është më i rëndësishëm sesa jeta  e qytetarëve” përfundon reagimin e saj opozitarja Aleanca për Shqiptarët.