Para nesh kemi propozim që përfshinë vërejtjet e Qeverisë, në propozimin francez ka qëndrime për pranim të plotë të gjuhës maqedonase, si dhe që protokolli të mos jetë në kuadër kornizës negociuese. Kështu u shpreh kryeministri Dimitar Kovaçevski në lidhje me propozimin francez, pas takimit me partnerët qeverisës. Për kryeministrin pozita në të cilën ndodhemi është shumë më e favorshme për ne.
Zëvendëskryeministri për Çështje Evropiane, Bojan Mariçiq bëri të ditur se është plotësuar kërkesa që çështjet historike të mos jenë në kuadrin e negociatave, ai bashkë me ministrin e jashtëm Bujar Osmani, shpjeguan procedurat e mëtejme, në rast se pranohet ky propozim.
“Nëse biem dakord me këtë paketë, kjo do të thotë një fillim i shpejtë i të gjitha procedurave. Ajo që ka rëndësi është Konferenca e parë ndërqeveritare, në formën që ne do ta përcaktojmë”, pohoi Bojan Mariçiq, zv/kryeministri për Çështje Evropiane.
