Dështimi nuk duhet të shpërblehet. Ndonjëherë BDI jep shembuj të këqij duke shpërblyer dështimin, shembull i tillë është ish-kryetarja e Komunës së Tetovës, Teuta Arifi. Lëvizja nuk është veprim i mirë, thotë në emisionin “Samo intervju ” Antonio Milloshoski, anëtar i KE-së së VMRO-DPMNE-së.
Ai vëren se një kryetar i dështuar nuk mund të jetë një ambasador i suksesshëm.
“Nuk na duhet një kryetar i pasuksesshëm të cilit qytetarët e Tetovës nuk i besojnë të jetë ambasador dhe të përfaqësojë vendin në BE”, tha Milloshoski.
Lidhur me zgjedhjen e Fërçkovskit për ambasador në OKB, deputeti i opozitës thotë se me ndryshimin e qeverisë profesori do të shkarkohet nga ajo pozitë.
“Do të kemi një ambasador në OKB me hendikep të madh. Mendoj se pas ndryshimit të qeverisë Fërçkovski ka mjaft përvojë, ndoshta do të kthehet i vetëm para se të nënshkruhet vendimi për kthimin e tij”, tha Milloshoski.
