Sergey Nikiforov, këshilltar i presidentit ukrainas Volodymyr Zelensky, përsëriti pretendimin e Ukrainës se trupat ruse janë larguar nga rajoni i Kievit dhe tha se Moska po tërheq forcat e saj në Bjellorusi dhe po përgatitet për një ofensivë të përtërirë në Ukrainën lindore.
“Ata po tërhiqen nga veriu. Ata po përqendrojnë përpjekjet e tyre për të goditur lindjen, për të rrethuar ushtrinë tonë në Donbas”, tha ai.
Në një fjalim të mëparshëm, presidenti Zelensky njoftoi se Ukraina po forconte mbrojtjen e saj në lindje dhe jug të vendit në përgatitje për përpjekjet e parashikuara ruse për t’i kapur të dyja./21Media
