Nga VMRO DPMNE i kërkojnë llogari kryeministrit dhe ministrit të jashtëm, se cili na qenka ky përparim në bisedime për të cilin historianët dhe politika bullgare janë kaq të ekzaltuar ndërsa në RMV nuk flitet asgjë.
“Kovaçevski dhe Osmani të thonë cili është përparimi që e bën Bullgarinë të lumtur dhe Maqedoninë të heshtur? A do të thotë se Bullgaria është e lumtur pasiqë janë plotësuar të gjitha kërkesat bullgare dhe fshirja e historisë, gjuhës dhe identitetit? Çfarë marrëveshje është duke u përgatitur dhe pse Kovaçevski ende hesht? Në vend që të fshihet dhe të ikë nga publiku, ai duhet menjëherë të kërkojë garanci me shkrim për identitetin dhe gjuhën maqedonase si nga Bullgaria poashtu edhe nga BE. Nëse ai refuzon ta bëjë këtë, ngre dyshime serioze se po zhvillohen negociata që janë në dëm të interesave kombëtare maqedonase”, u shpreh Dimitar Kovaçki nga VMRO-DPMNE.
