Shtëpia e Bardhë: Bëjmë një plan në rast se Rusia sulmon NATO-n

Shtetet e Bashkuara dhe aleatët e NATO-s po bëjnë plane në rast se Rusia pushton ndonjë territor të Aleancës, tha Këshilltari i Sigurisë Kombëtare i SHBA-së, Jake Sullivan.Duke folur për furnizimin ushtarak të Ukrainës nga Perëndimi, Sullivan tha se ata po shqyrtonin mundësinë që Rusia të vendoste të pushtonte territorin e NATO-s pikërisht sepse Ukraina po armatosej nga atje ose në ndonjë kontekst tjetër. Sullivan theksoi se presidenti amerikan Joe Biden është i gatshëm të përgjigjet me vendosmëri, së bashku me anëtarët e tjerë të NATO-s, në rast të një sulmi rus.