Për shkak të sanksioneve perëndimore, rusët kanë frikë se jo vetëm ushqimet dhe shumë produkte të tjera do të bëhen më të shtrenjta, por mund të humbasin edhe punën e tyre.
Sanksionet nuk vlejnë për shitjen e barnave, por shumë kompani të mëdha të transportit po e pezullojnë bashkëpunimin me Rusinë, kështu që tani është e vështirë të merren disa produkte mjekësore, shkruan “Index.hr”.
Çmimet e konsumit në Rusi u rritën me 2.2 për qind në javën e parë të pushtimit. Produktet ushqimore u bënë më të shtrenjta.
Çmimet e sheqerit dhe të drithërave ishin tashmë rreth 20 për qind më të larta këtë shkurt se një vit më parë.
Bankat ruse janë hequr nga sistemi ndërkombëtar i pagesave “SWIFT”. Visa, Mastercard, American Express, Apple dhe Google Pay kanë kufizuar shërbimet e tyre në Rusi.
“Kjo situatë ndikon shumë në punën tonë”, tha Natasha, e cila punon në një palestër.
Shkollat e gjuhëve të huaja që kanë mësues në vende të tjera nuk mund të paguajnë sepse nuk mund të vendosin para në llogaritë e huaja.
