Britania e Madhe së shpejti mund të jetë në luftë me Rusinë me ushtarët, marinarët dhe pilotët britanikë që luftojnë forcat e Putinit në një front të ri në Evropën Lindore, paralajmëroi sot një ish-gjeneral britanik.
Gjenerali Sir Richard Shirreff, ish-zëvendës komandanti suprem i NATO-s, ka thënë se linja e parë e mbrojtjes së Britanisë është tani kufiri i ish-shteteve sovjetike që kanë frikë se mund të jenë të radhës pas pushtimit të Ukrainës, shkruan Daily Mail, transmeton portal arbresh.info
“Ekziston mundësia që ne si komb së shpejti të jemi në luftë me Rusinë. Ne në këtë vend duhet të pranojmë se siguria jonë nuk fillon në shkëmbinjtë e bardhë të Doverit, por fillon me pyjet e Letonisë, Lituanisë dhe Estonisë”, tha ai.
Richard ka thënë se pushtimi i sotëm duhet të ndryshojë ‘mendësinë’ e Boris Johnson – duke paralajmëruar se ai beson se Putini është i vendosur për të rivendosur BRSS, e cila u nda në 15 republika kur u shpërbë në vitin 1991.
Në një intervistë për BBC Today, ai u nëse britanikët dhe ‘fëmijët dhe nipërit’ e tyre mund të ‘priten të luftojnë’ rusët, dhe përgjigjja e tij ishte: “Absolutisht. Nëse Rusia vendos një hap në territorin e NATO-s ne të gjithë jemi në luftë me Rusinë”.
“Neni 5 (i aleancës së NATO-s) thotë se një sulm ndaj njërit është një sulm ndaj të gjithëve, kështu që ne duhet të ndryshojmë rrënjësisht mentalitetin tonë dhe kjo është arsyeja pse unë them se mbrojtja jonë fillon në MB në kufijtë e NATO-s”, shtoin ai.
Sipas gjeneralit anglez në pension, është shumë e mundur që lufta të zhvendoset edhe në vendet tjera të NATO-s.
Ai shtoi se Putin do të kërkojë të jo vetëm Ukrainën, por edhe vendet tjera në rajon./arbresh.info/
