Mediumi gjerman “Bild” ka intervistuar presidentin Stevo Pendarovski pas gjestit që ky i fundit bëri ndaj vajzës me nevoja të veçanta, Ëmbla Ademi, përcjell TV21. “Bild” ka trajtuar rastin pasi presidenti Pendarovski përcolli në shkollë Ëmblën e cila ishte diskriminuar nga disa prindër në shkollë.
“Kam qenë i shtangur kur kam dëgjuar për këtë rast. Kam dëgjuar për lajmin në mediumet lokale, dhe siç theksova isha me të vërtetë i shtangur. Tani flas si baba, si njeri, mbi të gjitha si njeri i thjeshtë. E dini, kjo nuk është e detyrim kushtetues, por definitivisht ishte detyrim moral si njeri”, ka thënë mes tjerash presidenti Pendarovski për gazetën gjermane “Bild”.
I pyetur nëse do të vizitojë sërish Ëmblën, Pendarovski paralajmëroi vizitë tjetër në rrethin e vajzës me Down Syndrome, për t’u siguruar që një gjë e këtillë mos të ndodhë përsëri.
“Gjithsesi se do të shkojë në qytetin e Gostivarit dhe përsëri do të bisedoj me të gjithë personat që janë rrethi i saj- duke filluar nga shkolla e deri tek fqinjët e saj. Një gjë e tillë nuk duhet të përsëritet, dhe jo vetëm ndaj asaj, por ndaj të gjithë njerëzve në vendin tonë”
