Qytetarët e Kosovës janë më të varfërit në Evropë.
Standardi i jetesës është larg vendeve të rajonit dhe Bashkimit Evropian, sepse mesatarisht qytetari shpenzon vetëm 1511 euro në vit. Të dhënat e Fondit Monetar Ndërkombëtar (FMN) tregojnë se të ardhurat mesatare për frymë në vendet e Bashkimit Evropian janë 35,800 dollarë, ndërsa në Kosovë 4,442 dollarë.
Të dhënat nga Banka Evropiane për Rindërtim dhe Zhvillim (BERZH) tregojnë se vendeve të Ballkanit Perëndimor, përfshirë Kosovën, u duhen 40 deri në 200 vjet për të arritur mesataren e produktit të brendshëm bruto të BE-së për frymë.
