Në kohën kur ekonomia është e prekur nga koronavirusi, por edhe në periudhën pas-kovid, politikat do të synojnë kryesisht në rritjen e investimeve kapitale, por edhe në tërheqjen e investimeve të huaja direkte që do të rrisin potencialin e eksportit të vendit dhe do ta përshpejtojnë rritjen ekonomike.”Ekonomia jonë është e vogël dhe nëse duam të kemi rritje duhet të përqendrohemi në tregjet e huaja, zhvillimi i të cilave do të drejtohet nga sektori privat,” tha Ministri i financave Fatmir Besimi në një takim me Etiopis Tafara, zëvendës kryetar i Agjencisë multilaterale për garancë të investimeve (MIGA) në kuadër të grupacionit të Bankës Botërore.Nga Agjencia shprehën besim në rritjen e bashkëpunimit në fushën e tërheqjes së investimeve, veçanërisht në fushën e energjisë së ripërtrishme, ku ata shohin mundësinë për futje të investitorëve me renome.
© Telegrami.mk