Trupi Koordinues i Protestave kundër shtrenjtimit të rrymës zhvilloi një takim me koordinatorët e grupeve parlamentare të ASH-AAA dhe BDI. Nga ky trup koordinues takimet i kanë vlerësuar si të suksesshme.
Sic thuhet në postimet nëpër rrjetet sociale të anëtarëve të kësaj iniciative qytetare, nga të dy grupet parlamentare ASH-AAA dhe BDI, u është dhënë përkrahje e parezervë në të gjitha kërkesat e tyre. Njoftohet se dy grupet parlamentare kanë kërkuar 1 javë kohë për konsultime në lidhje me kërkesat dhe mënyrën e implementimit të tyre.
Nga Trupi Koordinues I protestave kanë njoftuar se LSDM-ja, përkundër ftesës, ka anuluar takimin duke mos dhënë asnjë sqarim.
Ndërkohë, deri në realizimin e kërkesave ne vazhdojmë me protestat! – thuhet në njoftimin e Trupit Koordinues të Protestave kundër shtrenjtimit të rrymës elektrike.
