Murtaja bubonike, e njohur si ‘Vdekja e Zezë’ në Mesjetë, është një nga sëmundjet më shkatërruese në histori, pasi ka vrarë rreth 100 milionë njerëz në shekullin XIV, shkruajnë mediet e huaja, transmeton lajmi.net.
Rasti i konfirmuar i murtajës ka ngjallur frikë nga një valë e re e shpërthimit të virusit që shpërtheu në Kinë, kur vendi ende po lufton me koronavirusin.
Por ekspertët kanë pohuar se sëmundja, e cila zakonisht prek brejtësit e egër dhe përhapet nga pleshtat e infektuar, nuk do të bëhet një kërcënim global për shëndetin sikurse COVID-19.
Qeveria lëshoi menjëherë një paralajmërim të nivelit tre në të gjithë qytetin për kontrollin e epidemive, niveli i dytë më i ulët në një sistem me katër nivele.
Paralajmërimi i nivelit të tretë njoftohet në Kinë kur një qytet ka zbuluar midis një deri në 20 raste të një sëmundjeje infektive. /Lajmi.net/
