Një inspektor tashmë në pension nga Ministria e Brendshme dëshmoi në rastin “Monstra”. Me sugjerimin e prokurorisë, ai tregoi se si ai dhe një koleg i tij gjetën makinën me të cilën pretendohej se ikën autorët e vrasjes brutale të pesëfishtë pranë Liqenit të Smilkovës tetë vjet më parë. Ata morën urdhër nga oficerët kompetentë, që të kryejnë një ekspertizë në vendngjarje. Detyra e tyre ishte që ta çonin makinën në mënyrë të sigurt në Ministrinë e Brendshme për të kryer ekspertizë. Ata nuk kanë ndërhyrë aspak te Opel Omega e kuqe.
Ne nuk kishim të dhëna se kush e ka zbuluar vendndodhjen e automjetit, është një pjesë operative dhe gjithçka kaloi nëpërmjet grupit hetimor kriminalistik. Me urdhër të tyre, ne shkuam ta marrim makinën. Para nesh mund të ketë qenë vetëm një inspektor për vrasje – tha ish-inspektori në Ministrinë e Brendshme.
Në seancën e fundit, prokurorja Fatime Fetai theksoi se natën kur ndodhi masakra, ishte hartuar një shënim zyrtar se ishte gjetur një automjet. Dokumenti nuk thotë se cilët zyrtarë e gjetën atë, ose kush është dëshmitari që raportoi se e ka parë makinën. Për gjykimin e radhës, prokuroria thirri kryeshefat që urdhëruan të merret Opel Omega për të shpjeguar se si e gjetën atë.
Me këtë, do të përfundojnë dëshmitarët e prokurorisë dhe do të fillojnë ata të të pandehurve. Në këtë rast dëshmuan politikanët aktualë – Zoran Zaev, Ali Ahmeti, por edhe ish zyrtarë si Sasho Mijallkov dhe Gordana Jankullovska. Gjashtë persona janë akuzuar për vrasjen brutale në Smilkovcë. Afrim Ismailoviq dhe Alil Demiri, të cilët janë në Kosovë, janë në arrati dhe vendi ynë kërkon me vite ekstradimin e tyre.
