Ne, si parti politike e cila vjen me një përvojë opozitare, jemi të gatshëm të marrim përgjegjësi për të qeverisur, kështu shprehet në një bisedë për Fokus Arjanit Hoxha, Sekretari i përgjithshëm i Lëvizjes Besa, e cila në zgjedhjet e ardhshme parlamentare do të garojë me LSDM-në. Sipas tij, propozimi i BDI-së për kryeministër shqiptar është një “mashtrim i lirë parazgjedhor”, përcjell Albanews24.
Fokus: Duke pasur parasysh rrethanat specifike për shkak të virusit Korona, çfarë lloj fushate do të zhvilloni për zgjedhjet e ardhshme parlamentare? A do të mbahen tubime, tribuna dhe tubime të tjera, apo do të mbështeteni plotësisht në fushatë online?
Hoxha: Normalisht që rrethanat na kërkojnë të jemi të kujdesshëm dhe të kujdesemi për shëndetin e qytetarëve. Pjesa më e madhe e fushatës do të bëhet nëpërmjet medias dhe rrjeteve sociale. Teknologjia na lejon të arrijmë tek çdo qytetarë me mesazhet dhe ofertat e programeve tona.
Fokus: Cilët çështje do të mbizotërojnë në fushatë? A do të jenë vendimtare trajtimi i krizës shëndetësore dhe ekonomike, apo do të përpiqeni të ngritni çështje tjera?
Hoxha: Duam apo jo, mbizotëruese do të jenë temat e kujdesit shëndetësor dhe mënyrën e trajtimit me pandeminë Covid 19. Ekonomia do të jetë po aq e rëndësishme, duke trajtuar pasojat e krizës, strategjia për të ruajtur vendet e punës dhe krijimin e kushteve për zhvillim dhe mundësi për krijimin e vendeve të punës nëpërmjet investimeve të huaja, por edhe nëpërmjet mbështetjes së ekonomisë.
Fokus: Si e shihni kërkesën e BDI-së që qeveria e ardhshme të udhëhiqet nga kryeministër shqiptar? Nga BDI gjithashtu ju bëjnë thirrje edhe juve të bashkoheni me këtë koncept, pra cili është qëndrimi juaj për këtë?
Hoxha: Fatkeqësisht, ajo çka ofron BDI nuk është koncept. Oferta për të mbështetur një kandidat për kryeministër lë një ndjenjë të hidhur tek secili qytetar, veçanërisht në mesin e shqiptarëve, sepse kur fshihet emri, qytetarët menjëherë mendojnë se cili nga kuadrot më të dobët të BDI-së mund të pretendojë për një emërim të tillë. Këtë ide BDI mund ta kishte prezantuar këtë ide para zgjedhjeve të anuluara më 12 Prill, por atëherë ata nuk kishin menduar për një ide të tillë, por tani, kur shohin që po fundosen politikisht dhe vlerësimi i tyre është në rënie të lirë, ata përpiqen të ndalojnë rënien me ide të tilla. Për fat të mirë, shqiptarët tashmë i njohin truket e lira parazgjedhore të BDI-së.
Fokus: Çfarë rezultati prisni në zgjedhje dhe cilët janë faktorët kryesorë që do të përcaktojnë se kush do t’i fitojë zgjedhjet, por edhe, se kush do të arrijë sukses në formimin e qeverisë?
Hoxha: Ne presim një fitore absolute. Jemi të bindur që qytetarët e dinë saktësisht se kush çka premton. Ne, si parti politike që vjen me një përvojë opozitare, jemi të gatshëm të marrim përgjegjësitë për të qeverisur. Ne jemi partia politike që do të përmbushë mozaikun për përmbysjen totale të ish-regjimit VMRO-BDI. LSDM-ja arriti të mposhte një pjesë të regjimit, por tani së bashku do të jemi në gjendje të heqim pjesën tjetër të këtij regjimi, i cili për fat të keq, për shkak të numrave të imponuar, nuk arritëm ta bëjmë në vitin 2016.
Fokus: Në një rast, Zoran Zaev tha se Besa peshon rreth 35 mijë vota, pra sa pajtoheni me këtë pretendim, pra vlerësimin, duke pasur parasysh që sapo të hyni në një koalicion parazgjedhor me LSDM-në nuk do të mund të përcaktoni saktësisht forcën dhe vlerën tuaj në skenën politike?
Hoxha: Nuk do të hyj në interpretimin e numrave për atë se sa peshon Besa, vetë rezultatet do të tregojnë se dallimin në këto zgjedhje do ta bëjnë votuesit e Besa. Jemi të bindur që do të jemi fitues edhe në pjesën e votave në kushtimisht thënë, bllokun politik shqiptar, por edhe në nivel shtetëror si koalicion.
