Lidhur me publikimin e sotëm të Lëvizjes Besa përmes statusit në Fejsbuk se është parashtruar kallëzim penal kundër Agjencisë për Shërbime Mediatike Aurio dhe Audiovizuale dhe kryetarit të Këshillit të Agjencisë për shkak të “tejkalimit të autorizimit dhe keqpërdorim të detyrës zyrtare, duke dashur ta dëmtojë Lëvizjen Besa”, do të donim ta njoftojmë opinionin, ndërsa Besës t’i tregojmë këtë në vijim:
Në Kodin Zgjedhor saktë është konfirmuar se të drejtë në fushatë zgjedhore kanë vetëm pjesëmarrësit në fushatën zgjedhore, ndërsa këto janë listat e kandidatëve për zgjedhje të deputetëve të cilët janë konfirmuar nga Komisionit Shtetëror i Zgjedhjeve. Radiodifuzerët, mediat e shtypura dhe mediat elektronike (internet portalet) sigurojnë kohë për reklamim të paguar politik vetëm për këta pjesëmarrës.
Komisioni Shtetëror i Zgjedhjeve e ka konfirmuar listën e kandidatëve për zgjedhjet që do të mbahen më 15 korrik, sipas së cilës Lëvizja Besa – Besa është pjesë e Koalicionit Mundemi. Prej këtu, duke pasur parasysh se kjo parti nuk merr pjesë në mënyrë të pavarur, mund të marrë kohë për reklamim të paguar politik vetëm dhe ekskluzivisht në minutat dedikuar për Koalicioni e përmendur.
Përndryshe, projekt versioni i udhëzimi për limitet për reklamim të paguar politik ishte vendosur në debat publik më 3 mars dhe deri te miratimi i tij më 15 qershor, Besa nuk kishte parashtruar asnjë vërejtje. Udhëzimi është marrë njëzëri nga të gjithë anëtarët e Këshillit të Agjencisë.
Deklaratat për kallëzim të parashtruar nuk mund të kuptojnë më ndryshe sesa si përpjekje për presion mbi Agjencinë, veçanërisht para seancës së nesërme për kur është parashikuar miratimi i udhëzimit të ri për reklamim të paguar politik mbi bazë të Dekretit të fundit të Qeverisë i cili ka të bëjë në procesin zgjedhor.
Kjo nuk është përpjekja e parë për presion, veçanërisht në periudha të caktuara siç janë zgjedhjet. Si dhe deri më tani, Agjencia do të vazhdojë të veprojë në mënyrë profesionale dhe ligjore dhe të kujdeset për sigurimin e qasjes së barabartë deri te format e përfaqësimit mediatik të të gjithë pjesëmarrësve në procesin zgjedhor dhe nuk do të kënaqë interesat individuale partiake.
Agjencia për Shërbime Mediatike Audio dhe Audiovizuale
