Presidenti i Maqedonisë së Veirut Stevo Pendarovski sot ka biseduar me kryetarin e Kishës Ortodokse Maqedonase, z. Stefan dhe me kryetarin e Bashkësisë Fetare Islame, Sulejman Rexhepi, lidhur me zhvillimet e fundit në vend.
“Të dy liderëve ua shqiptova qëndrimet dhe brengosjen time lidhur me ngjarjet e djeshme në Strugë dhe për paralajmërimin e BFI-së për hapjen e objekteve fetare më 12 maj”, thuhet në njoftimin e kabinetit presidencial.
Pendarovski ka rikujatuar Stefanin dhe Rexhepin se askush nuk ua ka ndaluar besimtarëve në Maqedoninë e Veriut të praktikojnë fenë e tyre, por se tubimet masive ndalohen me ligj.
“Në interes të gjithë qytetarëve, e me qëllim që sa më shpejtë të tejkalojmë situatën, kërkova nga arqipeshkopi dhe reisi të veprojnë në mënyrë preventive dhe të mos nxisin tubime të grupeve më të mëdha të besimtarëve”, theksohet në njoftim.
Pendarovski bisedon me arqipeshkop Stefanin dhe reisin Rexhepi: Mos nxitni tubime masive të besimtarëve!
