Veprimtaria e “Botimeve” në Konkursin për mbështetjen e projekteve me interes nacional në kulturë, edhe këtë vit nuk i shpëtoi reagimeve, shkruan gazeta KOHA
Projektet shqiptare, më të shumtat në numër janë ato të mbështetura me shuma të vogla, një pjesë e konsiderueshme me nga 60 mijë e deri në 100 mijë denarë.
Në listën e projekteve të fituara paraqitet edhe emri i zëvendësministrit të Punëve të Brendshne, Astrit Iseni, me titullin e librit “Hulumtime në kieziologji” me autor Astrit Iseni.
Botimi i librit të Isenit në vlerë prej 81.000 denarë ka aplikues Shoqërinë për prodhim, tregti dhe shërbime “SEMI GENIMEPS” SHPK import-eksport nga Kumanova, shkruan KOHA.
Nga Kumanova, profesor i Edukatës Fizike me emrin Astrit Iseni është vetëm zëvendësministri i Policisë. Iseni ka diplomuar në Fakultetin e Edukatës Fizike, Sportit dhe Shëndetësisë dhe ka fituar titullin Doktor i Kineziologjisë.
Ndryshe, praktika e mbështetjes së botimeve ai punime shkencore për mbrojtjen e magjistraturave, apo doktoraturave, përkthime… e të tjera vazhdon prej disa vitesh, edhe pse qëllimi është mbështetja e shkrimtarëve dhe letrarëve e jo temave të diplomave private. (koha.mk)
