Të nderuar tetovarë, ju faleminderit nga zemra për përkushtimin dhe kontributin tuaj në këto zgjedhje.
Faleminderim i veçantë aktivit politik, forumit rinor dhe forumit të gruas. Faleminderit për mbi 16.000 votat e pastra si loti, për mbi 16.000 zemra që i qëndruan besnike vizionit tonë. Edhe pse këto vota nuk mjaftuan që të dalim fitimtarë, Tetovarët humbën mundësinë të përfaqësohen nga një njeri i ndershëm dhe i përkushtuar siç është Bajram Rexhepi.
Pavarësisht përballjes me një aparat shtetëror të vënë fuqishëm kundër nesh, zërat tanë po shtohen çdo ditë e më shumë. Ne do të qëndrojmë sypatrembur kundër çdo padrejtësie, sidomos kur cenohet dinjiteti i shqiptarëve.
Anëtarët e subjekteve serioze politike, me kauza të pastra si e jona, nuk njihen për dorëzim apo demoralizim. Përkundrazi motivimi, puna, riorganizimi i brendshëm dhe opozitarizmi konstruktiv do të dyfishohen në periudhën që vjen.
Prandaj, miq e bashkëpartiakë, kokën lart!
Na pret shumë punë. Që sot fillon ringritja jonë.
Nuk do të ndalemi derisa shqiptarët të përfaqësohen denjësisht, ashtu siç e meritojnë.
