Gjatë një fjalimi në Kuvendin Izraelit, Presidenti i SHBA-së, Donald Trump, vlerësoi forcën ushtarake amerikane dhe e përshkroi administratën e tij si atë që ka sjellë zgjidhje për konflikte të shumta.
Trump tha se Shtetet e Bashkuara “kanë ushtrinë më të fortë dhe më të madhe në botë” dhe deklaroi se gjatë mandatit të tij janë “zgjidhur 8 luftëra brenda 8 muajsh”.
Ai përmendi kontributet e bashkëpunëtorëve të tij, duke veçuar Jared Kushner si “një ndihmës i jashtëzakonshëm” dhe duke falënderuar edhe senatorin Marco Rubio dhe anëtarë të kabinetit, përfshirë zyrtarë ushtarakë. Trump gjithashtu hodhi idenë me humor serioziteti për ndryshimin e emrit “Ministri i Mbrojtjes” në “Ministër i Luftës”, duke shtuar se kjo nuk nënkupton dëshirë për luftë, por angazhim për fitoren nëse çështja do të kërkonte.
Duke folur për aktorë dhe ngjarje të së kaluarës, ai kujtoi sulmin e 7 tetorit dhe tha se SHBA qëndroi pranë Izraelit në ato momente. Trump deklaroi se, përkundër retorikave se ai do të niste konflikte, ai vetë “ka personalitet për t’i dhënë fund luftërave”.
Në pjesë të tjera të fjalimit ai rrëfeu edhe biseda personale me kryeministrin izraelit për furnizime ushtarake, duke theksuar se SHBA disponon armë “që askush nuk i ka ëndërruar” dhe shprehu shpresën që ato të mos përdoren.
