Me krenari e ndajmë me të gjithë miqtë dhe ndjekësit tanë lajmin se Betim Shabani, student i Fakultetit të Muzikës pranë Universitetit “Shën Kirili dhe Metodi” në Shkup, është shpërblyer me mirënjohjen për mesataren më të lartë të arritur për vitin 2024.Ky është një sukses i madh jo vetëm për Betimin, por edhe për të gjithë ne si Ansambël Shtetëror i Këngëve dhe Valleve Popullore Shqiptare, ku Betimi është i angazhuar si solist.Ky vlerësim dëshmon edhe një herë se institucioni ynë përbëhet nga profesionistë të vërtetë, njerëz me cilësi të larta artistike dhe akademike, të cilët me përkushtim dhe dashuri për artin e pasurojnë kulturën tonë kombëtare.
