Presidenti i Serbisë, Aleksandar Vuçiç, mbrëmë në Trstenik tha se nuk do të ketë qeveri kalimtare apo të përkohshme. Ai shtoi se mund të ketë zgjedhje apo referendume, por derisa ai të jetë gjallë, nuk do të ketë një qeveri servile të udhëhequr nga hajdutë ndërkombëtarë.
„U thashë disa liderëve botërorë që kanë biseduar me mua se mund të rregullojnë gjithçka pa mua dhe se paralajmërimet e tyre për sigurinë time i kam kuptuar si kërcënim. U thashë se mund të më vrasin, por nuk do të pranoj një qeveri kalimtare apo ekspertësh nën asnjë kushte,“ theksoi Vuçiç.
Ai shtoi se ajo që ka ndodhur në muajt e fundit në vend është një përpjekje direkte e agjencive të huaja të inteligjencës për të rrëzuar Serbinë.
