Remzi Mehmedi nga Aleanca për Shqiptarët, krahu i Selës, sot nga Gjykata Themelore e Tetovës e ka quajtur aheng mbledhjen e mbrëmshme të thirrur nga Arben Taravari.
Ai tha se Gjykata ende s’ka marrë vendim për atë se kujt i takon Aleanca për Shqiptarët dhe deri në një vendim të tillë ngelet në fuqi kongresi i IV në të cilën është zgjedhur kryetar Ziadin Sela.
Ai tha se për të mbajtur kongresi duhet të jenë pjesëmarrës delegatët, të cilë, sipas Mehmedit, nuk ishin prezentë mbrëmë në ahengun e Taravarit.
“Për të quajtur kongres ahengu i djeshëm duhet pjesëmarrës të ketë delegatët të zgjedhur në kongresin e kongresit të vitit 2022 dhe që janë të regjistruar në Gjykatën Themelore të Tetovës, mandati i të cilëve me statut zgjat katër vite, pra deri në vitin 2026”, the Mehmedi.
Për t’u shpall kongres i rregullt, thekson Mehmedi, duhet të merr vendim kuvendi i partisë dhe një vendim të tillë nuk ka.
Mehmedi akuzoi Taravarin se po bënë përpjekjet e fundit për të ekzekutuar Aleancën për Shqiptarët.
“Duke pasur parasysh se Gjykata nuk ka ndonjë vendim të plotfuqishëm, kongresi mbahet me shumicën e delegatëve të regjistruar në Gjykatë nga kongresi i fundit zyrtar dhe legjitim. Këtë shumicë e kishim vetëm ne ku Ziadin Sela u zgjodh kryetar”, shtoi Mehmedi.
Ai kërkoi që të mos keqpërdoret emri i ASH-së, sepse ajo kryetarin e saj legjitim Ziadin Selën, ka organet legjitime, kryesinë dhe kuvendin qendror legjitim.
