Shiu i rrëmbyeshëm, përmbyti rrugët dhe qytetet sot në Spanjën juglindore, duke bërë që autoritetet në zonat më të goditura të këshillojnë njerëzit të mos dalin jashtë dhe të shmangin lëvizjet e panevojshme.
Los #GEAS de la @GuardiaCivil rescatan a personas atrapadas en sus vehículos, debido al desbordamiento del #RíoGuadalhorce a su paso por #Álora. pic.twitter.com/U2mdazGq8M
— Guardia Civil (@guardiacivil) October 29, 2024
Agjencia spanjolle e motit AEMET dha alarmin e kuq për pjesën lindore të rajonit të Valencias dhe alarm të verdhë për pjesë të Andaluzisë në jug, ku një tren doli nga shinat për shkak të shiut të dendur, megjithëse askush nuk u lëndua.
Videot e publikuara tregojnë zjarrfikësit duke çliruar shoferët e bllokuar mes shiut të rrëmbyeshëm në qytetin e Althira, Valencia dhe makina të bllokuara në rrugët e përmbytura.
AEMET pret që Valencia të jetë qyteti më i goditur nga stuhia, teksa parashikohet më shumë se 90 mm shi në më pak se një orë ose 180 mm në më pak se 12 orë.
Shkollat, gjykatat dhe shërbimet e tjera thelbësore u pezulluan në Carlet dhe qytete të tjera pranë Valencias.
Stuhia goditi fillimisht Andaluzinë. Në El Ejido, një qytet mesdhetar i njohur për serat e tij, një stuhi breshëri shkatërroi qindra xhama makinash dhe përmbyti rrugë.
Në Alora, gjithashtu në Andaluzi, lumi Guadalorthe doli nga shtrati dhe 14 persona u detyruan të shpëtoheshin nga zjarrfikësit, sipas autoriteteve. Në Alora, sasia e shiut sipas AEMET ka arritur sot në 160 milimetra.
