Me ujin ,zjarrin dhe Real Madridin nuk ka lojë / Mbretër për Ligën e Kampionëve, Real Madridi fiton ruletin e penalltive dhe eliminon kampionin Manchester City(video)

Manchester City dhe Real Madrid zhvilluan një ndeshje të fortë, ku në kohën e rregullt nuk kishte fitues 1-1 (4-4), ndërsa pas penalltive fitues dolën mbretërit. 

Mbretërit arritën që të shënonin që në start të ndeshjes, kur kishin rastin e parë të mirë.

Rodrygo u gjend bukur në zonë dhe pas dy goditjeve arriti të gjejë rrjetën për 1-0.

WHAT A GOAL RODRYGO!!!

pic.twitter.com/RogQuPnnVI

— 🦇 (@Zion7ii) April 17, 2024

Qytetarët u kundërpërgjigj me një rast te Erling Haaland, por gjuajtja e tij me kokë gjeti shtyllën.

Në minutën e 19-të, ishte radha e Bernardo Silvas, por gjuajtja e tij shkoi jashtë.

Kevin de Bryne në minutën e 27-të gjuajti fuqishëm nga distanca, por gjuajtja e tij u ndal nga Andriy Lunin.Pjesa e parë edhe pse u mbyll me epërsi të Real Madridit, ndeshja shkoi me një dominim të fuqishëm të Man Cityt, që ishin në ndjekje të rezultatit.

HALF-TIME | Behind at the break ⏸️

🩵 0-1 ⚫️ #ManCity | #UCL pic.twitter.com/9cr4TWLw8w

— Manchester City (@ManCity) April 17, 2024

Me të filluar pjesa e dytë, Jack Grealish rrezikoi bukur me një gjuajtje, por goditja u prit nga Lunin.

Në minutën e 53-të, Phil Foden rrezikoi për të barazuar, por gjuajtja e tij u ndal nga Lunin.

Kur ndeshja po shkonte nga fundi, domini i Man Cityt shtohej, ndërsa në minutën e 76-të, erdhi goli i barazimit, me De Bruynen që nga afër gjeti rrjetën për 1-1.

KEVIN DE BRUYNE GOAL 1-1 MAN CITY !!!BEST IN THE WORLD pic.twitter.com/42JlmqoX2O

— Jacky (@MCFC_Jacky) April 17, 2024

Vetëm pas disa minutash, De Bruyne ka mundur ta dërgojë në epërsi Man Cityn, por nga afër nuk qëlloi portën.

Deri në fund të kohës së rregullt, vendasit e kërkuan golin e epërsisë, por që nuk ia dolën dhe ndeshja shkoi në kohën shtesë.

Koha shtesë edhe pse kishte dominimin e vendasve në lojën me top, rastin më të mirë për gol e kishin mysafir.

Zhvillohej minuta e dytë e kohës shtesë të pjesës së parë të vazhdimeve, kur Antonio Rudiger befasisht doli para porte, por që gjuajtja e tij shkoi jashtë.

Pas 30 minutash nuk kishte gola dhe fituesi u zgjodh me penallti.Më të mirë nga 11 metra ishin Real Madridi që kaluan tutje. /Telegrafi/