Yahya Rahim Safavi, një këshilltar i lartë i liderit suprem të Iranit, Ayatollah Ali Khamenei, thotë se asnjë nga ambasadat e Izraelit nuk është më e sigurt, raporton agjencia gjysmëzyrtare e lajmeve Tasnim.
Ai shtoi se Teherani e sheh konfrontimin me Izraelin si një “të drejtë legjitime dhe ligjore”. Agjencia gjysmëzyrtare e lajmeve iraniane ISNA publikoi një grafik që tregonte se shfaqte nëntë lloje të ndryshme të raketave iraniane të afta për të goditur Izraelin.
Komentet e Safavi vijnë pasi Izraeli është në gatishmëri të lartë pas një sulmi të dyshuar izraelit në konsullatën iraniane javën e kaluar në kryeqytetin sirian, Damask, i cili vrau shtatë anëtarë të Gardës Revolucionare iraniane, duke përfshirë dy gjeneralë të lartë .
Teherani është zotuar se do të hakmerret. Ministri i Mbrojtjes i Izraelit tha më herët se vendi është i gatshëm të trajtojë çdo skenar që mund të zhvillohet me armikun e tij të përhershëm, Iranin.
