Ministria e Punëve të Brendshme në Maqedoninë e Veriut, me mbështetjen e Prokurorisë Publike për Ndalimin e Krimit në ndeshjet në ligat profesionale, sot në Shkup ka zhvilluar një aksion të madh për “shikimin” e dokumentacionit të trukimit të ndeshjeve në të cilat janë përfshirë edhe klubet maqedonase.
Për gjithë situatën, “Shtëpia e Futbollit” ka dalë me njoftimin e vet.
“Ministria e Punëve të Brendshme (MPB) ka kërkuar informacion nga Federata e Futbollit të Maqedonisë (FFM) që para së gjithash ka të bëjë me aktet që rregullojnë garën, procesverbalet e ndeshjeve zyrtare në kuadër të garave të organizuara nga FFM, pastaj kalendarin. të kampionateve të garave vendase etj.
FFM-ja në kuadër të kompetencave të saj, të cilat para së gjithash i referohen mbrojtjes së integritetit të garës, bashkëpunon plotësisht me MPB-në dhe organet e Ministrisë në atë pjesë”, thuhet në njoftimin e FFM-së.
