Disa qytetarë të Kosovës sonte kanë pritur me orë të tëra në pikën kufitare të Bozhajt, pasi sistemi i Interpolit vazhdimisht u ka treguar policëve kufitar një paralajmërim: “ I kërkuar”, gjegjësisht bëhet fjalë për dokumente dhe persona të kërkuar në sistemin policor ndërkombëtar.
E krejt ky paralajmërim ishte i gabuar për shkak të një problem me softveri, i cili qytetarët e Kosovës i paraqiste si të kërkuar nga interpoli.
Kreu i Drejtorisë së Policisë ka konfirmuar për “Vijesti” se problemi me softuerin është rregulluar rreth orës 20:30, pas së cilës policia ka mundur të lejojë së paku tetë shtetas të Kosovës.
Policëve në pikën kufitare e kanë pasur të qartë se ndoshta ka pasur problem me aplikacionin e Interpolit, por për shkak të kontrolleve nuk kanë mundur t’i lënë qytetarët e Kosovës të kalojnë kufirin.
Drejtori i policisë tha se ky lloj problemi në përdorimin e aplikacionit Interpol “ndodh shumë rrallë”.
“Prandaj do të kontrollojmë se çfarë e ka shkaktuar këtë”, ka thënë ai./21Media
