Propozimi i deputetit Skender Rexhepi në procedurë të shkurtuar për të bërë ndryshime në Ligjin për trajtimin e objekteve pa leje, me të cilat do të mundësohet legalizimi i ndërtimeve pa leje të ndërtuara deri më 31.12.2022, në vend të datës 4.3.2011, siç parashikon ligji. nuk kalon ne Kuvend..
Në seancën e sotme 20 deputetë kanë votuar “pro” propozimin e deputetit Rexhepi, i cili së fundmi ka formuar partinë e re “Lëvizja Popullore”, 63 ishin “kundër” dhe një deputet “abstenim”.
Përveç ndryshimit të afatit për legalizim, ndryshimet ligjore të propozuara synonin të ndalonin të gjitha procedurat civile, administrative dhe gjyqësore, përfshirë edhe kallëzimet penale.
