Nënkryetari i BDI-së, Arbër Ademi, po qëndron këto ditë në Paris, më konkretisht në shtëpinë e Zhan Monesë, bashkë me përfaqësuesit e tjerë të partive politike dhe me eurodeputë nga ku po diskutohet rregullorja e re e Kuvendit. Ademi tha se me Rregulloren e re të Kuvendit, që do të fillojë të zbatohet nga legjislatura e ardhshme parlamentare, nuk do të ketë më bllokim të Kuvendit, qoftë edhe nga një deputet i vetëm.
Po qëndrojmë afër Parisit në Francë, konkretisht në shtëpinë e Zhan Monesë, bashkë me përfaqësuesit e partive politike dhe me eurodeputët që ishin lehtësues në Dialogun Zhan Mone në arritjen e një konsensusi që rezultoi me miratimin e Rregullores së re të Kuvendit që do të aplikohet nga legjislatura e ardhshme!
