Aleanca për Shqiptarët mbetet në Qeveri pavarësisht rezultatit të ligjit për amnisti të propozuar nga ministri i Drejtësisë Krenar Loga. Në një prononcim për “Sloboden Peçat”, Loga thotë se si do të votojnë deputetët garantohet me Kushtetutë, pas informacioneve se grupi parlamentar i LSDM-së do të votojë kundër nevojës për miratimin e ligjit për amnisti.
Qeveria vazhdon me kapacitet të plotë të përballet me të gjitha sfidat deri në fund. Se si do të votojnë deputetët e garanton Kushtetuta – na tha Loga.
Sipas informacioneve të deputetëve të LSDM-së, ata do të votojnë kundër ligjit për amnisti. Se a do të konfirmohet njoftimi do të varet nga koordinimi që do të ketë grupi parlamentar përpara fillimit të seancës parlamentare ku në rend dite është propozimi i ligjit për amnisti.
Siç ka raportuar më herët “Sloboden Peçat”, deputetët e LSDM-së që nga fillimi kanë pasur rezistencë ndaj ligjit për amnisti, edhe pse kryeministri dhe lideri i partisë, Dimitar Kovaçevski, fillimisht e ka përkrahur ligjin. Pas informacioneve të “Sloboden Pechat” se me amnisti do të përfshihen edhe ndihmësit në “Monstrum” Haki dhe Fejzi Aziri, fillimisht Kovaçevski paralajmëroi ndërhyrje shtesë të ligjit në atë pjesë, ndërsa pardje këtë e konfirmoi edhe Zëvendësministrja e Drejtësisë Victoria, Avramovska Madiç.
