Katër zjarrfikës dhe një anëtar i stafit të aeroportit u dërguan në spital për të marrë ndihmë pas kësaj ngjarje, teksa dëmet janë të pallogaritshme.
Të gjitha fluturimet në Aeroportin e Lutonin në Londër u pezulluan mbrëmjen e së martës për shkak të një zjarri të madh që përfshiu një parking shumë pranë terminalit kryesor të tij.
Sipas shërbimit zjarrfikës pranë aeroportit, zjarri me përmasa të mëdha shkatërroi rreth 1200 mjete që ndodheshin në parking dhe dëmtoi rëndë strukturën e tij.
Katër zjarrfikës dhe një anëtar i stafit të aeroportit u dërguan në spital për të marrë ndihmë pas kësaj ngjarje, teksa dëmet janë të pallogaritshme.
Në reagimin e Aeroportit për këtë zjarr ka ende shumë paqartësi, ndërkohë që pezullimi i fluturimeve shkaktoi probleme të mëdha tek pasagjerët, një pjesë e të cilëve u kthyen pas.
Forca të shumta policie kanë rrethuar aeroportin, teksa po kryen hetime për shkaqet e zjarrit dhe nëse ai ka qenë i qëllimshëm apo jo.
Aeroporti i Lutonit në Londër është aeroporti i pestë më i madh në Mbretërinë e Bashkuar pas Heathrow, Gatwick, Manchester dhe Stansted. Gjatë vitit 2022 përmes tij udhëtuan më shumë se 13 milionë pasagjerë.
