Në një intervistë për Alsat, ish nënkryetari i Kuvendit nga radhët e BDI-së Rafis Aliti njëherit kryetar i departamentit për kujdesjen e bashkëluftëtarëve, familjeve të dëshmorëve dhe invalidëve thotë se kreu i integristëve Ali Ahmeti ka biseduar me kryeministrin Dimitar Kovaçpevski për një zgjidhje ligjore e cila do t’i përfshinte të gjitha kategoritë që kanë pësuar në konfliktin e armatosur të vitit 2001.
Rafis Aliti tha se ai dhe kreu i BDI-së Ahmeti vazhdimisht në takim me ndërkombëtarët kanë kërkuar modalitete për të zgjidhur statusin e ish ushtarëve të UÇK-së, por sipas tij ka munguar vullneti i palës maqedonase.
