Pas konsultimeve me ekspertë dhe sektorin joqeveritar, procesi për ndryshimin e Kushtetutës duhet të prezantohet para deputetëve në muajin maj, njoftoi LSDM në pushtet. Ndonëse për ndryshimin e Kushtetutës nevojitet një shumicë prej dy të tretash, të cilën qeveria aktualisht nuk e ka, kryeministri Kovaçevski thotë se ndryshimet kushtetuese nuk do të shtyhen, por do të votohen në Kuvend. Një takim udhëheqës nuk ishte planifikuar në të ardhmen e afërt, por Kovaçevski bëri thirrje për një konsensus kombëtar gjatë marrjes së vendimeve.
Lideri i opozitës Mickovski thotë se nuk do të pranojë të negociojë për diçka që nuk ua ka përkushtuar qytetarëve. Për të, hapja e Kushtetutës nuk nënkuptonte futjen e bashkësive në preambulë, por fshehjen e krimeve të çiftit LSDM-BDI.
Mickovski edhe sot ka bërë thirrje për zgjedhje të shpejta të parakohshme parlamentare në maj dhe pa qeveri teknike, për të ndalur, siç thotë ai, qeverisjen e paaftë të pushtetit aktual.
