Mekanizmi i Qëndrueshmërisë Civile (CRM) i BE-së ka filluar të funksionojë, mbështetje direkte për iniciativat e shoqërisë civile në kuadër të projektit të financuar nga BE-ja “Përkrahje teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut”.
Siç bëhet e ditur nga projekti, kjo thirrje për propozime është financuar nga Bashkimi Evropian me një shumë totale në dispozicion prej 900,000 euro.
-Për herë të parë në vend, Bashkimi Evropian ofron këtë lloj mekanizmi financimi për mbështetje të drejtpërdrejtë për organizatat e shoqërisë civile në mënyrë që t’u mundësojë atyre të përballen në mënyrë efektive me prioritetet kryesore në komunitetet e tyre lokale dhe të kontribuojnë në reformat në sektorët kyç në vend. . Mekanizmi i Qëndrueshmërisë Qytetare të BE-së do të mbështesë organizatat lokale për të zbatuar aktivitete për t’iu përgjigjur menjëherë nevojave të bashkëqytetarëve të tyre dhe për të forcuar qëndrueshmërinë e qytetarëve përballë ndryshimeve të shpeshta sociale. Shoqëria civile ka një rol udhëheqës në zhvillimin e qëndrueshmërisë së komunitetit dhe në këtë drejtim BE-ja do t’i mbështesë në përpjekjet e tyre, thuhet në njoftim.
Organizatat civile që i plotësojnë kriteret e përcaktuara në Udhëzimet për aplikantët e kësaj thirrje mund të dorëzojnë aplikacione online (www.eu4cr.mk) me afat për dorëzimin e propozimeve deri më 15 nëntor 2022, ora 17:00.
Për Mekanizmin e Qëndrueshmërisë Civile (CRM) të BE-së duke filluar nga 4 tetor 2022, janë organizuar 14 sesione informative në Manastir, Ohër, Gostivar, Kumanovë, Koçan, Strumicë, Kavadar, Veles, Prilep, Tetovë, Kërçovë, Kratovë, Dellçevë, Gjevgjeli, kurse seanca e fundit do të mbahet sot pasdite në Shkup (15:30-18:00 në restorantin Javna Soba).
Mbështetja teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut është projekt i financuar nga Bashkimi Evropian dhe i implementuar nga CPM Consulting International.
