Deri më tani është bërë testimi i qindra-mijëra personave nën dyshimin se mund të jenë të prekur nga koronavirusi në Zvicër
Të dhënat e fundit tregojnë se numri i të shëruarve në Zvicër është rritur dukshëm në këto ditët e fundit, transmeton albinfo.ch.
Autoritetet shëndetësore zvicerane kanë njoftuar zyrtarisht se nga numri i përgjithshëm i të prekurve nga koronavirusi, 7230 persona janë shëruar plotësisht në Zvicër, shkruajnë mediat zvicerane.
Shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, duke ngritur numrin zyrtarisht në mbi 7 mijë, shkruan The local.
Deri më sot janë rreth 20 mijë raste të infektimeve me koronavirus. Siç njofton Zyra Federale për Shëndetin Publik (BAG) numri i rasteve të vërtetuara të infekstimit me koronavirus në Zvicër tashmë është ngritur, shkruan srf.ch.
Të gjithë të sëmurët janë izoluar dhe po marrin trajtim nga organet shëndetësore.
Të dhënat e fundit tregojnë se përkundër rritjes së të prekurve nga koronavirusi, ka rritje edhe të të shëruarve, ku së fundi statistikat tregojnë se ka shkuar në 7230 persona, albinfo.ch.
