Lëvizja Besa mbështet grevën e arsimit

0
27

Edhe ky fillim i vitit të ri shkollor 2019/2020 e gjen sektorin e arsimit me problemet e vjetra. Pagat e të punësuarëve në arsim janë nën dinjitetin e jetës profesionale dhe njerëzore, institucionet arsimore po shkojnë drejt rrënimit, tekste me përmbajtje skandaloze dhe fyese për shqiptarët, problem shqetësues paraqesin objektet arsimore, edhe pse u premtua programi i Kembrixhit ende nuk është hequr.Pra, problemet në arsim janë shumë të mëdhaja, prandaj Renata Deskoska u largua nga MASH, prandaj dha dorëheqje Petar Atanasov, por jo edhe të pazgjidhshme. Në mungesë të vizionit dhe planit afatgjatë po ngulfatet çdo ditë arsimi në Maqedoninë e Veriut e në veçanti arsimi shqip.”, theksoi Kastriot Rexhepi nga Lëvizja BESA.>

Sipas tij, Lëvizja BESA e mbështet grevën njëditore të mësimdhësve dhe kërkesat e tyre për një pozicion më dinjitoz në shoqëri dhe se e drejta për grevë është e drejtë elementare në çdo vend të botës dhe është e garantuar me ligj. “Mësimdhënësit e Maqedonisë së Veriut me vite kanë qenë viktimë e keqpërdorimeve dhe lojërave në mes pushtetit dhe SASHK-ut, por kjo nuk duhet të jetë demotivuese, sepse greva nuk bëhet për SASHK-un, por për mësimdhënësit. Të ardhurat mesatare personale në Maqedoninë e Veriut janë 26 000 den, a për mësimdhënësit 22 000 den. Për momentin mësidhënësit, as nuk mund të ëndërrojnë për një pagë të barabartë me mesataren e vendit. Në qoftë se qeveria don ta kthej dinjitetin e humbur të mësimdhënësve, atëherë duhet që ta barazoj rrogën minimale me sektorët tjerë, sepse mësimdhënësit janë hallka më e rëndësishme të cilët me kontributin dhe mundin e tyre e ndërtojnë të ardhmen e shtetit dhe të shoqërisë. Kryeministri dhe ministri shumë mirë e dijnë se me 360 euro nuk ruhet dinjiteti i familjes dhe nderi i mësimdhënësit.”, theksoi nënkryetari i kësaj partie, Rexhepi.

Ai shtoi se sot mund edhe të anashkalohet greva, por duhet ta kenë të qartë se greva e heshtur është shumëfish më e rrezikshme dhe rezultati shihet çdo ditë me analfabetët praktikë që na përfaqësojnë në institucionet e ndryshme shtetërore. “Mësimdhënësit nuk kërkojnë më shumë, ata duan të jenë të barabartë me administratorët e BDI-së që rrijnë në shtëpi dhe marrin rroga mesatare 26 000 den. Duke qenë të vetëdijshëm se arsimi është shtylla kryesore e zhvillimit shoqëror, Lëvizja BESA me përkushtim dhe vendosmëri do të insistoj në përmirësimin e kushteve, ashtu siç e ka të paraparë në programin dhe platformën e saj, me qëllim që shkolla të bëhet një vend i dashur për fëmijët dhe dinjitoz për mësimdhënësit. Të gjithë nxënësve dhe mësimdhënësve të shkollave fillore dhe të mesme ju urojmë një vit të mbarë shkollor.”, theksoi Rexhepi.

PËRGJIGJU

Please enter your comment!
Please enter your name here