Kryeministri i Maqedonisë së Veriut, Zoran Zaev, tha se Kuvendi dje është dashur të ndjek praktikën e deritanishme në lidhje me marrjen e imunitetit të deputetit të Trajko Veljanovskit.
Me këtë, konsideron, do të tregohej se të gjithë janë të barabartë dhe do të lihej mundësi që gjykata të vendosë, transmeton Portalb.mk.
“Procedurat dhe rregullat patjetër duhet të vlejnë për çdo deputet njësoj pa dallim se a është ish-kryetar i Kuvendit ose jo, duam që qytetarëve t’u japim porosi se të gjithë janë të barabartë para ligjit, ndërsa tjetra është punë e gjykatës. Në lidhje me këtë që ndodhi shprehim pakënaqësi dhe revoltë të madhe”, tha Zaev.
