Nervozizmi i të demaskuarit Talat Xhaferi sa vjen e rritet, me burgosjen e deputetëve ka kryer një krim për të cilin është në burg, thonë sot nga VMRO-DPMNE.
Partia thekson se dje Xhaferi ia ka hequr lirinë në mënyrë të paligjshme të gjithë grupit parlamentar dhe ka penguar lëvizjen e lirë të tyre.
Xhaferi mbylli dyert e Kuvendit dhe praktikisht mbajti peng deputetët. Me këtë veprim ai kreu një vepër penale nga Art. 140 paragrafët 3 dhe 4 të Kodit Penal, nga të cilat paragrafi 3 thotë se tentativa dënohet. Ndërsa paragrafi 4 thotë se nëse privimi i kundërligjshëm i lirisë kryhet nga zyrtari me keqpërdorim të pozitës apo autoritetit zyrtar, ai do të dënohet me burgim prej gjashtë muajsh deri në pesë vjet. Ky është shpërdorimi i tretë i rëndë i pozitës së Talat Xhaferit. A do ta relativizojë edhe këtë Kovaçevski, kështu që do të dëgjojmë justifikime të tipit – “dyert mbyllen vetvetiu”. Qëndrimi i Kovaçevskit në pushtet me çdo kusht, siç po bën tani duke mos pranuar zgjedhjet e parakohshme parlamentare, do t’i japë të drejtë Talat Xhaferit dhe BDI-së që edhe më tutje ta shkelin ligjin dhe të mos përgjigjen, sepse vetëm me vullnetin e tyre të mirë mbijeton qeveria? , thonë nga VMRO-DPMNE.
Kovaçevski është një kukull në duart e Talat Xhaferit. Zgjedhjet duhet të bëhen një orë më herët. Që turpi të mos ndodhë më kurrë.
Ndryshe, deputeti i VMRO-DPMNE-së Mile Lefkov dje në rrjetet sociale ka postuar një video ku shihet qartë situata me sallën e Kuvendit dhe reagimet e deputetëve.përcjell telegrami.mk
