Shtrenjtimi i rrymës elektrike do të jetë një nga temat e emisionit të sontëm “Magazina ekonomike”, ku i ftuar është njeriu i parë i Komisionit Rregullator për Energjetikë (KRRE), Marko Bislimovski, sipas të cilit për fate të keqe nuk na pret një situatë e mirë, ngaqë siç shprehet ai, “nuk shihet dritë në tunel”. Situatën me krizën energjetike e rëndon edhe më shumë lufta bë Ukrainë, Shkruan Alsat.
“Për momentin është shumë e vështir të themi se si do të jetë çmimi i energjisë elektrike, nga 1 korriku apo ndoshta nga 1 gushti, sepse akoma nuk i kemi pranuar kërkesat nga të gjitha kompanitë…Çmimet në tregun e lirë janë shumë të larta dhe ky trend vazhdon edhe më tej dhe sipas të dhënave të cilat i disponojmë dhe të cilat i shohim nga bursa është se nuk po shihet drita në tunel”, tha Marko Bislimovski, kryetar i KRRE-së. /Alsat.mk
