Korrupsioni sistemik ka sjellë aksidentin e 44 viktimave, ka reaguar VMRO-DPMNE, duke kërkuar përgjegjësi dhe dorëheqje nga ministrat Oliver Spasovski dhe Blagoj Boçvarski.
Spasovski dhe Boçvarski të japin menjëherë dorëheqje, 3 ditë pas aksidentit nuk dihet se kush ka vdekur dhe kush ka shpëtuar.
Autobusi i “Besa Transit” nuk ka pasur dokumentacionin e nevojshëm, ka kaluar në doganë, ka kaluar kontrolle policore, inspektorate dhe ka humbur në komunikacionin ndërkombëtar, më shumë se një herë dhe as Oliver Spasovski e as Boçvarski nuk ia kanë fajin vetes.
Autobusi mesa duket nuk kishte pajisjet e nevojshme për shpëtim në rast aksidenti, ku përfshihen çekiçë të zakonshëm për thyerjen e xhamave, apo aparate zjarri.
Tre ditë pas aksidentit, shteti nuk ka të dhëna se kush ka humbur jetën, sa persona kanë qenë në autobus, sa janë shpëtuar. Familjet e të ndjerit dhe publiku janë lënë në hamendjen e mediave.
Gjithçka që duhej bërë ishte të kërkohej nga kompania një listë e personave që hipën në Maqedoni, sa prej tyre u kthyen dhe cilët ishin në cilin autobus. Ky operacion i thjeshtë i qeverisë zgjat tre ditë.
Doli në sipërfaqe rasti se në periudhën e kaluar janë futur në komunikacion të gjitha llojet e veturave, dhe dikush duhet të mbajë përgjegjësi për këtë – thuhet në reagimin e VMRO-DPMNE-së.