Partia opozitare thotë se të gjitha gabimet e institucioneve në lidhje me autobusin e “Besa Trans” duhet t’u përgjigjen ministrave dhe drejtorëve dhe jo të mbulohen nga qeveria.
Autoritetet po tentojnë të mbulojnë tragjedinë me autobusin e Besa Trans ku humbën jetën 45 persona. Tashmë po bëhet e qartë se qeveria po përpiqet të fshehë dhe të shpëtojë dikë nga përgjegjësia, reagon VMRO-DPMNE.
Partia kërkon përgjegjësi nga njerëzit e lartë të Drejtorisë doganore, MPB-së, Ministrisë së Transportit dhe Inspektoratit Shtetëror të Transportit.
Kjo tragjedi mori jetë 45 të rinjsh për shkak të një sërë dështimesh sistematike të institucioneve. Në fillim, autobusi udhëtues nuk kishte leje transporti ndërkombëtar. Autobusi në udhëtimin fatal përdorte dokumente dhe targa të të tjerëve dhe meqë ra fjala nuk ishte i regjistruar në sistemin doganor. Drejtuesit e autobusit nuk ishin fare të punësuar nga kompania, dhe autobusi ishte i riparuar dhe kishte 54 ulëse në vend të fabrikës 49. Të gjitha këto tregojnë se përgjegjësi të rëndë për këtë ngjarje fatkeqe janë Dogana, MPB, Ministria e Transportit, Inspektorati Shtetëror për Transport – thonë nga VMRO-DPMNE.
Ata kujtojnë se institucionet pas më shumë se dy javësh nuk e kanë bërë kontrollin e kompanisë pasi nuk ua hap askush dhe pronari është jashtë shtetit.
- Ky nuk është sistem, e lëre më sistem juridik. Prandaj qeveria dhe institucionet luajnë ping pong me përgjegjësi. Prandaj bëjnë teatro me tema të tjera, që publiku të harrojë dhe askush të mos kërkojë përgjegjësi nga sistemi. Por duhet të ketë përgjegjësi. Sepse tragjeditë janë bërë të zakonshme. Qeveria nuk mund ta gjejë fajin gjithmonë në “vazhdues” për t’i shpëtuar fajit të institucioneve për të cilat populli paguan me jetë – thonë nga VMRO-DPMNE.
