Presidentja Vjosa Osmani ka uruar besimtarët myslimanë për festën e Kurban Bajramit, duke thënë se kjo festë është mundësi reflektimi mbi solidaritetin, sakrificën dhe tolerancën.
“Është mundësi për t’i çmuar lidhjet tona familjare dhe miqësore, si dhe për të zgjatur dorën e mirësisë ndaj atyre në nevojë. Derisa sot mblidhemi së bashku për të festuar, le të kujtojmë frymën e unitetit dhe harmonisë që simbolizon kjo festë”, ka thënë Osmani.
