(VIDEO) KRYEMINISTRI ZAEV: LIGJI PËR SHTETËSI DO TË MIRATOHET

18

Nuk kam dilema që ligji për shtetësi do të miratohet. Kështu deklaroi kryeministri Zoran Zaev, i cili tha se edhe përkudnër bllokimit të tij nga opozita maqedonase, do të gjindet zgjidhje që ai ligj të miratohet. Më tej kryeministri shtoi se për ligjin për shtetësi janë pajtuar edhe pushteti edhe opozita, ndërsa logjikën e partisë “E Majta”, që po e bllokon atë, thotë se nuk e kupton.

Zoran Zaev, kryeministër

“Besoj se do të gjendet zgjidhje. Vërtetë nuk e kuptoj logjikën e së ‘Majtës’. Unë nuk mund t’i kuptoj, ata a janë të majtë a të djathtë, apo po bëjnë gara me VMRO-në, kush do të bllokojë më tepër Kuvendin, por rezultatet do t’i shohin në zgjedhje. Ligji për shtetësi është për të gjithë qytetarët tanë dhe ai është pranuar nga të gjithë edhe nga opozita edhe nga pushteti, nga të gjithë. Kjo është zgjidhje që e bëmë në bazë të standardeve evropiane”.

Përndryshe, Ligji për shtetësi ka mbetur në Komisionin për Mbrojtje dhe Siguri në Kuvend. Ky propozim ligj po zvarritet nga deputetët e opozitës, duke mbajtur fjalime të gjata e duke kërkuar pauza. Ndërsa ndërkohë e shfrytëzojnë rastin, pasi nuk ka kohë të caktuar se sa ligji mund të qëndroj në Komision.Për ligjin për shtetësi ishin dakorduar, pas takimit të  kryeministri Zoran Zaev dhe kryetarëve të Aleancës për Shqiptarët dhe Alternativës, Zijadin Selës dhe Afrim Gashit.