– Sot në ora 14:30 në sheshin Maqedonia do të mbahet protestë nga ana e ukrainasve në Maqedoni, kundër agresionit rus.
“Ne, ukrainasit në Maqedoni dalim sot në protestë. Të japim mbshëtetjen tonë për miqtë tanë, familjarët, shokët të cilët janë në shënjestër të një sulmi brutal. T’i themi STOP luftërave në shekullin 21. Të themi STOP për luftën e tretë botërore dhe JO për dëmtimin që e gjithë Evropa mund ta pësojë nga agresioni që po ndodhë mbi popullatën e pafajshme të Ukrainës.
Ejani dhe na bashkangjituni, së bashku të themi STOP për budallallëkun e luftës.
Mbledhemi në sheshin Maqedonia sot më 25 shkurt, në ora 14:30. Më pas në ora 15:00 shkojmë para ambasadës ruse”, thuhet në njoftimin e ukrainasve.
