SHBA-ja do të transferojë një pjesë të trupave të saj të stacionuar në Gjermani, në Poloni, theksoi presidenti Donald Tramp në konferencën e përbashkët në Shtëpinë e Bardhë me kolegun e tij polak Andzhej Duda.
Polonia “do të na paguajë që të dërgojmë trupa shtesë dhe me siguri do t’i transferojmë atje nga Gjermania”, deklaroi Trampi.
Ai shtoi se SHBA-ja dukshëm do ta ulë praninë e vet ushtarake në Gjermani dhe sqaroi se disa trupa do të kthehen në shtëpi, ndërsa të tjerët do të transferohen në vend tjetër, përfshirë edhe Poloninë.
Duda tha se e ka lutur Trampin të mos i tërheqë trupat amerikane nga Evropa që të ruhet siguria e kontinentit. Presidenti polak shtoi se vendi i tij është i gatshëm të pranojë më shumë trupa amerikane në territorin e saj.
Duda, të cilin Trampi e quajti është lideri i parë i huaj i ftuar në Shtëpinë e Bardhë nga vendosja e masave për izolim lidhur me pandeminë e koronavirusit në SHBA./MIA
