https://tv21.tv/sulmi-rus-ne-ukraine-xhaferi-pendarovski-po-jep-informacione-te-klasifikuara/
Kryetari i Kuvendit, Talat Xhaferi në ClickPlus në TV21 ka komentuar deklaratën e presidentit Stevo Pendarovski, i cili sot tha se qysh me 5 nëntor të vitit 2021 kanë pasur informacione për sulmin rus në Ukrainë. Xhaferi thotë se informacone mund të ketë pasur edhe më herët, por që nuk dëshiron të flas për data, pasi përbëjnë informacione të klasifikuara.
-Këshilli i Sigurimit i ka të dhënat e klasifikuara, nuk bëhet fjalë për data.
–Po pyes kështu pasi presidenti Stevo Pendarovski tha se më 5 nëntor na kanë arritur informacione se Rusia do të sulmojë Ukrainën?
-Ai është prodhues i informacionit të klasifikuar, si kryetar i Këshillit të Sigurimit. Nëse ka vendosur që ta deklasifikojë, në rregull. Mund të them se sinjale mbi vlerësimet profesionale mund të them se ka pasur edhe më herët.
