SPB Strumicë ka ngritur kallëzim penal kundër S.O. (60) nga Strumica për veprat penale “Punë e pandërgjegjshme në detyrë” dhe “Uzurpimi i patundshmërive”, si dhe ndaj V.R. (49), po ashtu nga Strumica, për veprën penale “Uzurpimi i patundshmërive”.Sipas hetimeve, më 05.03.2025, e para e denoncuar, në cilësinë e inspektores së ndërtimit, gjatë një mbikëqyrjeje në fshatin Dabilje – rrethi i Strumicës – ka dështuar të veprojë sipas autorizimeve dhe detyrimeve ligjore. Ajo nuk ka konstatuar ndryshimet në dimensionet e një objekti të ndërtuar në një parcelë kadastrale, pronë e të denoncuarës së dytë, duke neglizhuar faktin se objekti i ri nuk përputhej me atë që ishte legalizuar në vitin 2013.
Për pasojë, V.R. ka ndërtuar një objekt në tokë shtetërore pa poseduar dokumentacionin e nevojshëm ligjor.
Policia ka dorëzuar kallëzimet penale për të dyja të dyshuarat, ndërsa rasti pritet të trajtohet më tej nga organet kompetente.
