Ministri i Shëndetësisë, Venko Filipçe ka njoftuar, se është arritur marrëveshje me specializantët, që të njëjtëve, gjatë periudhës së specializimit do t’u paguhet sigurimi shëndetësor dhe orët e kujdestarisë.
“Për herë të parë, puna e natës, gjegjësisht kujdestaritë do të paguhen sipas numrit të kujdestarive të muajit në rrjedhë. Dhe një moment ndoshta më i rëndësishëm, është sigurimi shëndetësor. Kjo, do të mundësojë që çdo mjek të mund të mjekohet falas në institucionet shtetërore”, deklaruan nga shoqata e specializantëve, transmeton TV21.
Shpresojnë se ky proces, do të finalizohet edhe me punësimin e specializantëve.
“Atëherë shteti ynë do të mund të lavdërohet se nuk ka mjekë të papunësuar”.
